சென்னை இளம்பெண் கின்னஸ் சாதனை

சென்னையில் 16 வயது சிறுமி ஒருவர் 5 வாகனங்களை தனது பல்லால் இழுத்து கின்னஸ் சாதனை படைத்துள்ளார்.

சென்னையைச் சேர்ந்தவர் அப்சரா. 16 வயதே ஆகும் இவருக்கு சிறுவயது முதலே கின்னஸ் புத்தகத்தில் இடம்பெற வேண்டும் என்ற ஆர்வம் ஏற்பட்டது. இதற்காக, வலிமைவாய்ந்த தனது பற்களால் கடினமான பயிற்சிகளில் ஈடுபட்டுவந்தார். இதனையடுத்து 5 வேன்களை 10 மீட்டர் தூரம் தனது பற்களால் இழுத்து சாதனை படைத்தார். இந்த சாதனை நிகழ்ச்சிக்கு எக்ஸ்னோரா அமைப்பு ஏற்பாடு செய்திருந்தது. அப்சராவின் சாதனை பார்வையாளர்களை அதிசயத்தில் ஆழ்த்தியது. இதனைத் தொடர்ந்து அவரின் இந்த சாதனை கின்னஸ் புத்தகத்தில் இடம் பெற்றது. இதுதொடர்பாக செய்தியாளர்களிடம் பேசிய அப்சரா, பலரும் பிரமிக்கத்தக்க சாதனை செய்ய வேண்டும் என்ற தனது விருப்பம் தற்போது முழுமையடைந்துள்ளதாகவும், இது தனக்கு மிகுந்த மகிழ்ச்சி அளிப்பதாகவும் கூறினார்.